IMA విమెన్ వింగ్ డాక్టర్స్ ఆధ్వర్యంలో విద్యార్థులకు అవగాహన

నంద్యాల ఐఎంఏ మహిళా వైద్య విభాగం ఆధ్వర్యంలో ఎన్. కొత్తపల్లె గ్రామంలో ఉన్న శ్రీ శారదా విద్యాపీఠం పాఠశాలలో విద్యార్థులకు వివిధ అంశాలపై అవగాహన సదస్సు నిర్వహించారు.

నంద్యాల ఐఎంఏ మహిళా వైద్య విభాగం అధ్యక్షురాలు డాక్టర్ మాధవి అధ్యక్షతన జరిగిన ఈ కార్యక్రమంలో డాక్టర్ లక్ష్మీ సౌజన్య మంచి అలవాట్ల గురించి, డాక్టర్ గింజుపల్లి అనూష ఆరోగ్యకరమైన ఆహార అలవాట్ల గురించి, మంచి స్పర్శ, చెడుస్పర్శ ల పై డాక్టర్ తనూజ, విద్యార్థులపై మొబైల్, సోషల్ మీడియా ప్రభావం అన్న అంశంపై డాక్టర్ శశి కిరణ్ విద్యార్థులకు అవగాహన కల్పించారు.

ఈ సందర్భంగా డాక్టర్ మాధవి మాట్లాడుతూ నంద్యాల ఐఎంఏ మహిళా వైద్య విభాగం ద్వారా విద్యా సంస్థలలో వైద్య శిబిరాలు, వివిధ అంశాలపై అవగాహన సదస్సులు సంవత్సరం పొడవునా నిర్వహించడానికి ప్రణాళిక రూపొందించామని అన్నారు. ఈ కార్యక్రమాలలో నంద్యాల ఐఎంఏ మహిళా వైద్యులు సహకారం అందజేస్తున్నారని తెలిపారు.ఈ కార్యక్రమంలో వైద్యులతో పాటు పాఠశాల ప్రధానాచార్యులు శ్రీదేవి, విద్యార్థులు పాల్గొన్నారు.