NANDYAL :రైతన్న మీకోసం కార్యక్రమంలో జిల్లా కలెక్టర్ జి. రాజకుమారి

NANDYAL Nov 28:-రాష్ట్ర ప్రభుత్వం ఈ నెల 24 నుంచి 29 వరకు నిర్వహిస్తున్న ‘రైతన్న మీకోసం’ కార్యక్రమంలో భాగంగా జిల్లా కలెక్టర్ జి. రాజకుమారి శుక్రవారం దొర్నిపాడు మండలం గుండుపాపుల గ్రామం సందర్శించారు.

కలెక్టర్ రైతుల ఇళ్ల వద్దకు వెళ్లి వారి సమస్యలు, అవసరాలను అడిగి తెలుసుకున్నారు. అన్నదాత సుఖీభవ, పీఎం కిసాన్ వంటి పథకాల లబ్ధి అందుతున్న విధానంపై రైతులు వెంకటేశ్వర్లు, చిన్న దస్తగిరిని వివరాలు అడిగారు. స్పందించిన రైతులు మొదటి విడతలో అన్నదాత సుఖీభవ పథకం కింద రూ. 5,000/- పీఎం కిసాన్ కింద  రూ.2,000/-, రెండో విడతలో మరోసారి అన్నదాత సుఖీభవ పథకం కింద రూ. 5,000/- పీఎం కిసాన్ కింద రూ.2,000/- వెరసి మొత్తం రూ.14,000/- తమ ఖాతాల్లో జమ అయ్యాయని కలెక్టర్ కు నివేదించారు.

ఇంకా రైతులకు ఎలాంటి మద్దతు అవసరమో తెలుసుకుని సమస్యల పరిష్కారానికి చర్యలు తీసుకుంటామని భరోసా ఇచ్చారు. వ్యవసాయ మరియు ఉద్యాన శాఖల ద్వారా లభించే అవకాశాలు, ఆధునిక వ్యవసాయ పద్ధతులు, ప్రకృతి వ్యవసాయం, ఎరువుల వినియోగం, ప్రత్యేకంగా యూరియా సరైన విధానంపై రైతులకు అవగాహన కల్పించారు.

ఈ కార్యక్రమంలో కలెక్టర్‌తో పాటు కోయిలకుంట్ల వ్యవసాయ శాఖ అసిస్టెంట్ డైరెక్టర్, దొర్నిపాడు తహసీల్దార్, ఎంపీడీవో, మండల వ్యవసాయ అధికారి, స్థానిక సర్పంచ్ తదితర అధికారులు పాల్గొన్నారు.