భాషోపాధ్యాయ కేలెండర్ ఆవిష్కరించిన ఒంటేరు శ్రీనివాసులురెడ్డి

విద్యార్థులలో సృజనాత్మకత పెంపొందడానికి భావవ్యక్తీకరణకు భాషలు కీలక పాత్ర పోషిస్తాయని ఉపాధ్యాయ సంఘాల సమన్వయ వేదిక రాష్ట్ర అధ్యక్షులు ఒంటేరు శ్రీనివాసులురెడ్డి పేర్కొన్నారు. భాషోపాధ్యాయ సంస్థ 2026 కేలండర్ ను శ్రీనివాసులు రెడ్డి నంద్యాల పట్టణంలోని ఎన్ జీవోస్ హోమ్ లో ఆదివారం ఆవిష్కరించారు.

సంస్థ నంద్యాల జిల్లా అధ్యక్షులు కన్నయ్య ఆధ్వర్యంలో నిర్వహించిన కేలండర్ ఆవిష్కరణ కార్యక్రమానికి ఒంటేరు ముఖ్యఅతిథిగా హాజరయ్యారు. ఈ సందర్భంగా ప్రభుత్వ పాఠశాలలపై విశ్వాసాన్ని పెంపొందించడానికి ఉపాధ్యాయుల వృత్తిపరమైన గౌరవాన్ని కాపాడటానికి ఉపాధ్యాయ సంఘాలు కృషిచేయాలని ఆయన కోరారు. భాషోపాధ్యాయులు పాఠశాల సహాయకులుగా ఉన్నతీకరణ పొందడానికి భాషోపాధ్యాయ సంస్థ చేసిన కృషి అభినందనీయమన్నారు.

కార్యక్రమంలో వివిధ ఉపాధ్యాయ సంఘనేతలు అన్నెం శ్రీనివాసరెడ్డి, శేషఫణి, విజయభాస్కరరెడ్డి,రామనరసింహ, డా.నీలం వెంకటేశ్వర్లు, భాషోపాధ్యాయ సంస్థ నాయకులు విశ్వనాథరెడ్డి,దామోదర్,భాషా,రఫి,శ్రీవిద్య,శ్రీను, వెంకట్రాముడు,ప్రవీణ్ కుమార్ ,లింగమయ్య, రబ్బాని,చంద్ర తదితరులు పాల్గొన్నారు.