మంత్రులు, కార్యదర్శులు,హెచ్ఓడిలతో సమావేశం ముగింపు సందర్బంగా సీఎం చంద్రబాబు

AMAAVATHI Dec10:- • సుపరిపాలనకు అనుగుణంగా బిజినెస్ రూల్స్ సవరించుకుందాం
• దీనిపై ఓ నిపుణుల కమిటీని ఏర్పాటు చేసి ప్రతిపాదనలు సిద్ధం చేయాలి
• మీడియాలో వస్తోన్న వ్యతిరేక వార్తలపై విశ్లేషించి వ్యవస్థలో లోపాలను సవరించుకోండి

• సంక్షేమ పథకాలు ఇచ్చే ప్రభుత్వశాఖలు అనర్హులను తొలగించి అర్హులకు ప్రయోజనం కలిగించేలా కార్యాచరణ చేపట్టండి
• ప్రజల నుంచి వచ్చే ఫిర్యాదులు ఎక్కువగా ఉంటే సంబంధిత శాఖ సరిగ్గా పనిచేయనట్టే
• ఈ ఫిర్యాదుల్లో ఆర్ధిక, ఆర్థికేతర అంశాల వారీగా విభజించుకుని త్వరితగతిన పరిష్కరించండి

• రెవెన్యూ, పోలీసు, పురపాలక శాఖల్లో పెద్ద ఎత్తున గ్రీవెన్సులు వస్తున్నాయి. త్వరితగతిన ప్రజాఫిర్యాదులు పరిష్కారం కావాలి
• క్షేత్రస్థాయిలో సుపరిపాలన ప్రజలకు చేరేలా అంతా కలిసి పనిచేయాలి
• ప్రభుత్వం అందించే పౌర సేవలను ఎప్పటికప్పుడు సమీక్షించుకుంటూ సంబంధిత శాఖలను అప్రమత్తం చేస్తున్నాం

• రియల్ టైమ్ లోనే సెన్సెస్ సమాచార క్రోడీకరణ జరిగేలా మనం ప్రణాళిక చేసుకోవాలి
• పార్వతీపురం మన్యం జిల్లా కలెక్టర్ గిరిజన పాఠశాలల్లో ముస్తాబు అనే ఓ చిన్న కార్యక్రమం చేపట్టి విద్యార్ధుల్లో మార్పు తెచ్చారు
• పాఠశాలలో అద్దం, దువ్వెన లాంటివి ఏర్పాటు చేసి పరిశుభ్రత నేర్పే ప్రయత్నం చేశారు

• ఓ చిరు ప్రయత్నం విద్యార్ధుల్లో మంచి మార్పు తీసుకువచ్చింది
• సుస్థిరాభివృద్ధి లక్ష్యాల సాధనపై ప్రతీ మూడు నెలలకు ఓ మారు సమీక్ష చేసుకుందాం
• రైతులు, పంటల ధరలు, రహదారులు, ఉద్యోగాల కల్పన, తాగునీరు, ధరల పెరుగుదల లాంటి అంశాల్లో మెరుగ్గా స్పందించాలి

• వేసవిలో తాగునీరు, నీటి సరఫరా విషయంలో ఇప్పటి నుంచే ప్రభుత్వ శాఖలు సిద్ధం కావాలి
• సుపరిపాలనే మన లక్ష్యం. దానికి అనుగుణంగా అన్ని ప్రభుత్వ శాఖలూ సిద్ధం కావాల్సిందే
• 10 సూత్రాల ఆధారంగా స్వర్ణాంధ్ర లక్ష్యాలను సాధించుకుందాం