జూలై 14న శ్రీ రామకృష్ణ డిగ్రీ కళాశాల లో క్యాంపస్ ప్లేస్‌మెంట్ డ్రైవ్

NANDYAL July`12:- విద్యార్థులకు మెరుగైన ఉపాధి అవకాశాలను కల్పించే లక్ష్యంతో శ్రీ రామకృష్ణ డిగ్రీ కళాశాల (స్వయంప్రతిపత్తి), నంద్యాల ఆధ్వర్యంలో ప్రముఖ ఐటీ సంస్థ Core Soft IT Solutions, హైదరాబాద్ సహకారంతో జూలై 14, 2026 (మంగళవారం) క్యాంపస్ ప్లేస్‌మెంట్ డ్రైవ్ నిర్వహించనున్నట్లు కళాశాల యాజమాన్యం తెలిపింది.

ఈ ప్లేస్‌మెంట్ డ్రైవ్ శ్రీ స్వామి వివేకానంద ఆడిటోరియం, శ్రీ రామకృష్ణ డిగ్రీ కళాశాల, శ్రీనివాస నగర్, నంద్యాలలో ఉదయం 9:30 గంటల నుండి ప్రారంభమవుతుంది.ఈ డ్రైవ్ ద్వారా PDF Accessibility Specialist, Business Manager, Process Executive (Non-Voice) ఉద్యోగాల కోసం నియామకాలు చేపట్టనున్నట్లు తెలిపారు. ఎంపికైన అభ్యర్థులకు హైదరాబాద్లో ఉద్యోగావకాశంతో పాటు సంవత్సరానికి రూ.2.8 లక్షల నుండి రూ.3.0 లక్షల వరకు వేతన ప్యాకేజీ అందించనున్నట్లు వెల్లడించారు. ఏదైనా డిగ్రీ పూర్తి చేసిన ఫ్రెషర్స్ ఈ అవకాశాన్ని వినియోగించుకోవచ్చని పేర్కొన్నారు.

ఈ సందర్భంగా కళాశాల చైర్మన్ డా. జి. రామకృష్ణ రెడ్డి మాట్లాడుతూ, విద్యార్థులు చదువుతో పాటు నైపుణ్యాభివృద్ధిపై దృష్టి సారించి ఇటువంటి క్యాంపస్ ప్లేస్‌మెంట్ అవకాశాలను సద్వినియోగం చేసుకోవాలని సూచించారు. కళాశాల ద్వారా విద్యార్థులకు మరిన్ని జాతీయ, అంతర్జాతీయ సంస్థల్లో ఉద్యోగ అవకాశాలు కల్పించేందుకు నిరంతరం కృషి చేస్తున్నామని తెలిపారు.
ప్రిన్సిపాల్ కె.బి.వి. సుబ్బయ్య మాట్లాడుతూ, అర్హత కలిగిన విద్యార్థులందరూ ఈ ప్లేస్‌మెంట్ డ్రైవ్‌కు తప్పనిసరిగా హాజరై తమ ప్రతిభను చాటుకోవాలని కోరారు. కళాశాలలో పరిశ్రమల అవసరాలకు అనుగుణంగా శిక్షణా కార్యక్రమాలు నిర్వహిస్తూ విద్యార్థులను ఉద్యోగాలకు సిద్ధం చేస్తున్నామని తెలిపారు.

ట్రైనింగ్ & ప్లేస్‌మెంట్ ఆఫీసర్లు శ్రీ యు.వి.ఎస్. కుమార్ మరియు శ్రీ సంపత్ కుమార్ మాట్లాడుతూ, ఆసక్తి గల విద్యార్థులు ముందుగా గూగుల్ ఫారమ్ ద్వారా నమోదు చేసుకొని, ప్లేస్‌మెంట్ రోజున తమ రిజ్యూమ్, పాస్‌పోర్ట్ సైజు ఫోటోలు, ఆధార్ కార్డు మరియు విద్యార్హతల ధ్రువపత్రాలతో పాటు ఫార్మల్ డ్రెస్‌లో ఉదయం 9:30 గంటలకు హాజరు కావాలని సూచించారు.
ఈ ప్లేస్‌మెంట్ డ్రైవ్‌ను 2023,24,25 మరియు 26 సంవత్సరాల లో ఏదైన డిగ్రీ లేదా BTech పూర్తి చేసుకున్న విద్యార్థులందరూ సద్వినియోగం చేసుకోవాలని కళాశాల యాజమాన్యం విజ్ఞప్తి చేసింది.